तामिळनाडूमध्ये एक धक्कादायक घटना समोर आली आहे. शाळेतून निलंबित केलेल्या विद्यार्थ्यांने वर्गात प्रवेश करत सहकारी विद्यार्थ्यासह शिक्षकावर जीवघेणा हल्ला केला आहे. यामध्ये शिक्षकासह एक विद्यार्थी जखमी झाले असून श्रीरंगम शासकीय रूग्णालयात नेण्यात आले.
तामिळनाडूच्या त्रिची येथील श्रीरंगम बॉईज हायर सेंकेंडरी स्कूलमध्ये ही घटना घडली आहे. हल्लेखोर विद्यार्थी हा बारावीच्या विज्ञान शाखेतील विद्यार्थी असून त्याला काही दिवसांपूर्वी शाळेतून निलंबित करण्य़ात आले होते. पोलिसांनी दिलेल्या माहितीनुसार, सोमवारी दुपारी साडेतीनच्या सुमारास या हल्लेखोर विद्यार्थ्याने वर्गात प्रवेश केला. त्यानंतर त्याने वाणिज्य शाखेचे शिक्षक शिवकुमार यांच्या डोक्यावर चाकूहल्ला केला. त्यानंतर त्यांना तत्काळ श्रीरंगम शासकीय रूग्णालयात नेण्यात आले. याबाबत पिडीत शिक्षक शिवकुमार यांनी सांगितले की, हल्लेखोर विद्यार्थ्याने गणवेश घातला नव्हता आणि चेहऱ्यावर मास्क लावले होते.
पोलिसांनी दिलेल्या माहितीनुसार, ही घटना दोन विद्यार्थ्यांमध्ये सोशल मीडियावर पोस्ट केलेल्या एका संदेशावरुन त्यांच्यात वाद झाला. हल्लेखोर विद्यार्थी दुपारी घरी गेला होता आणि येताना तोंडावर मास्क लावून आला. त्यानंतर त्याने चाकू काढत विद्यार्थयावर हल्ला केला आणि हाताला दुखापत झाली. त्यावेळी वर्गात शिवकुमार नावाचे शिक्षक उपस्थित होते त्यांनी त्यांच्यात मध्यस्थी करण्याचा प्रयत्न केला असता त्यांच्या डोक्यावरही चाकूने वार केले. सध्या तो विद्यार्थी पसार झाला असून पोलीस त्याचा शोध घेत आहेत.
.jpeg)
Comment List