लोकसभा निवडणुकींच्या (Lok Sabha Election 2024) निकालांमध्ये भाजपची मोठी घसरण झाली आहे. भाजपला पंतप्रधान नरेंद्र मोदींच्या चेहऱ्यावर, स्वबळावर सत्ता स्थापन करता आली नाही. यामागे महाराष्ट्रातील जनतेच्या मनातील असंतोष हे कारण स्पष्ट दिसत आहे. त्यासोबतच उत्तर प्रदेशातही भाजपच्या जागांमध्ये झालेली घसरण आहे. पण भाजपची उत्तर प्रदेशातील घसरण यावरून भाजपमधे अंतर्गत काही गडबड असल्याचं समोर आलं आहे.
अशातच आता राष्ट्रवादी काँग्रेस (शरदचंद्र पवार) पक्षाचे नेते जितेंद्र आव्हाड यांनी एक व्हिडीओ ट्विट केला आहे. हा व्हिडीओ भाजपच्या मुख्यमंत्र्यांच्या बैठकीच्यावेळी झालेल्या फोटोसेशनचा आहे. ज्यामध्ये केंद्रीय गृहमंत्री अमित शहा, पंतप्रधान नरेंद्र मोदी स्टेजवर येतानाचे फूटेज आहे. तेव्हा योगी आदित्यनाथ फक्त संरक्षण मंत्री राजनाथ सिंह यांना हात जोडून नमस्कार केला. मात्र मोदी-शहा यांना नमस्कार केला नाही. यावरून जितेंद्र आव्हाड यांनी निशाणा साधला. त्यांनी कॅप्शन लिहिली आहे की,’काय बिनसलंय कुणास ठाऊक, योगीजींनी फक्त राजनाथसिंह यांना हात जोडून नमस्कार केला!’
या व्हिडीओवरून उलट सुलट चर्चा सुरू आहेत.
.jpeg)
.jpeg)
.jpeg)
Comment List