विक्रोळी पूर्व पार्क साईट येथील श्रीराम सोसायटीतील एका घरात शनिवारी रात्री सिलिंडर स्पह्ट झाला. यात एकाचा मृत्यू झाला, तर दुसरी व्यक्ती 99 टक्के भाजली असून त्यांची प्रकृती चिंताजनक आहे. दरम्यान, स्फोटाचे नेमके कारण समजू शकलेले नाही. आगीत घरातील सामान जळून खाक झाले.
विक्रोळी पूर्व पार्क साईट, संजय गांधीनगर येथील श्रीराम सोसायटी ही बैठी चाळ आहे. या चाळीतील एका घरात शनिवारी रात्री 9.30 वाजण्याच्या सुमाराला सिलिंडर स्पह्ट झाला. त्यामुळे श्रीराम सोसायटीत एकच घबराट पसरली. रहिवाशांनी घराबाहेर धाव घेतली. मुंबई अग्निशमन दलाला घटनेची माहिती मिळताच त्यांनी घटनास्थळी धाव घेत बचावकार्य सुरू केले. रात्री 10 च्या सुमाराला आगीवर नियंत्रण मिळवण्यात अग्निशमन दलाच्या जवानांना यश आले. मात्र, स्पह्ट झालेल्या घरातील राधेश्याम पांडे आणि धनंजय मिश्रा हे गंभीर भाजले. दोघांना घाटकोपर येथील राजावाडी रुग्णालयात उपचारासाठी दाखल करण्यात आले. मात्र, राधेश्याम पांडे (46) यांचा उपचारादरम्यान मृत्यू झाला, तर मिश्रा 99 टक्के भाजले आहेत. त्यांची प्रकृती चिंताजनक असल्यामुळे त्यांना सायन रुग्णालयात हलवण्यात आले आहे.
.jpeg)
.jpeg)
Comment List