Kupwara Encounter – सुरक्षा दलाचे जवान आणि दहशतवाद्यांमध्ये चकमक; एक जवान शहीद तर चार जखमी

जम्मू-काश्मीरमध्ये कुपवाडा जिल्ह्यात नियंत्रण रेषेवर लष्कराचे जवान आणि दहशतवाद्यांमध्ये चकमक झाली. या चकमकीत लष्कराचा एक जवान शहीद झाला. तर मेजर रँकच्या अधिकाऱ्यासह चार जवान जखमी झाले आहेत. तसेच या चकमकीत एका पाकिस्तानी दहशतवाद्याचाही खात्मा करण्यात आला आहे. कुपवाडामधील माछिल सेक्टरमधील जंगलात लष्कराकडून सर्च ऑपरेशन सुरू आहे.

चकमकीनंतर लष्कराकडून अधिकृत पत्रक जारी करण्यात आले आहे. कुपवाडा माछिल सेक्टरच्या कामकारीमधील फॉर्वर्ड पोस्टवर दहशतवाद्यांशी हा गोळीबार झाला. या गोळीबारात एका दहशतवाद्याचाही खात्मा करण्यात आला असून, हिंदुस्थानचे चार जवान जखमी झाले तर एका जवानाला वीरमरण आले.

नियंत्रण रेषेजवळ पाकिस्तानी बॉर्डर ॲक्शन टीमने (BAT) केलेला हल्ला हिंदुस्थानी लष्कराच्या जवानांनी यशस्वीपणे हाणून पाडला आहे. कुपवाडामध्ये दहशतवादी लपून बसल्याची माहिती सुरक्षा दलांना मिळाली होती. मिळालेल्या माहितीच्या आधारे सेनेकडून या भागात दहशतवादी विरोधी मोहिम सुरु होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.