Maharashtra Rain Update : हेटवणे धरण ओव्हरफ्लो! नवी मुंबईकरांचा पाण्याचा प्रश्न सुटला, धरणाचे 6 दरवाजे उघडले

नवी मुंबईला पाणीपुरवठा करणारे पेण तालुक्यातील हेटवणे धरण ओव्हरफ्लो झाले आहे. त्यामुळे नवी मुंबईकरांचा पाण्याचा प्रश्न सुटला आहे. या धरणाची एकूण क्षमता 147 दशलक्ष घनमीटर आहे. मागील काही दिवसांपासून पेण तालुक्यात व धरण क्षेत्र परिसरात जोरदार पाऊस झाल्याने हेटवणे धरण भरले आहे. त्यामुळे या धरणाचे 6 दरवाजे उघडले आहे. दरवाजे केवळ सावधानता म्हणून उघडण्यात आल्याची माहिती हेटवणे प्रकल्पाचे कार्यकारी अभियंता धनश्री राजभोज यांनी दिली आहे.

हेटवणे धरण भरल्याने या धरणाचे 6 दरवाजे उघडले आहेत. त्यातून 1924.24 क्युसेक पाण्याचा विसर्ग होत आहे. मागील आठवडाभर पावसाचा जोर कायम असल्याने पाण्याच्या पातळीत वाढ झाली आहे, अशी माहिती हेटवणे धरणाचे उपविभागीय अभियंता आकाश ठोंबरे यांनी दिली.

नदी व खाडी किनाऱ्यावरील गावांना सतर्कतेचा इशारा

धरणातून विसर्ग होत असल्याच्या पार्श्वभूमीवर पेणचे प्रांताधिकारी प्रवीण पवार यांनी खाडी व नदी किनाऱ्यावरील नागरिकांना सतर्कतेचा इशारा दिला आहे. नागरिकांनी घाबरून जाऊ नये. मात्र खबरदारी घ्यावी, असे आवाहन नायब तहसीलदार प्रसाद कालेकर यांनी केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.