Mumbai News : रोजच्या जाचाला कंटाळून पत्नीनेच पतीचा काटा काढला, महिलेला अटक

रोजच्या मारहाणीला कंटाळून पत्नीने पतीची हत्या केल्याची घटना मुंबईतील भांडुप परिसरात उघडकीस आली आहे. पतीची हत्या केल्यानंतर महिलेने थेट पश्चिम बंगाल गाठले. मात्र मुंबई पोलिसांनी कसून शोध घेत पश्चिम बंगालमधून महिलेला अटक केली आहे.

महिलेच्या पतीला दारुचे व्यसन होते. दारुच्या नशेत तो दररोज पत्नीला मारहाण करत असे. घटनेच्या दिवशीही पतीने महिलेला मारहाण केली होती. अखेर रोजच्या मारहाणीला महिला कंटाळली आणि तिने पतीचा काटा काढण्याचे ठरवले.

भांडुपमधील कोकणनगर परिसरातील एका कन्स्ट्रक्शन साईटवर झोपला असताना महिलेने पतीचा गळा आवळला. यानंतर महिला तेथून फरार झाली आणि थेट पश्चिम बंगालमध्ये पोहचली. मुंबई पोलिसांनी तपासाची सूत्रे वेगाने हलवत महिलेचा शोध घेतला. यानंतर पश्चिम बंगाल पोलिसांच्या मदतीने मुंबई पोलिसांनी महिलेला अटक केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.