भोकर-म्हैसा महामार्गावर दोन मोटसायकलची धडक; अपघातात तिघांचा मृत्यू, एकजण गंभीर जखमी

भोकर-म्हैसा महामार्गावर पिंपळगाव शिवारात वेगात असणाऱ्या दोन मोटार सायकलची समोरासमोर धडक झाली. या भीषण अपघातात तिघांचा मृत्यू झाला आहे. ही घटना मंगळवारी सायंकाळी 7 वाजताच्या सुमारास घडली आहे. पिंपळढव शिवारात कोंडदेव तांडा उतारावर असलेल्या भोकर- म्हैसा रस्त्यावर भीषण अपघात झाला. परशुराम किशन डाकोरे, गंगाधर विश्वनाथ मैसुरे आणि ज्ञानेश्वर मानेबोईनवाड अशी मृतांची नावे आहेत. तर विनायक बोरोड गंभीर जखमी झाले आहेत.

परशुराम किशन डाकोरे कामाठी,गंगाधर विश्वनाथ मैसुरे मदतनीस (रा.शिळवाडी ता.देगलूर) हे दोघे मातूळ शिवारात असलेल्या व्यंकटराव देशमुख पोस्ट बेसिक आश्रम शाळेत काम संपवून भोकरकडे मोटारसायकलने जात होते. त्याचवेळी भोकरकडून भरधाव बुलेटने ज्ञानेश्वर मानेबोईनवाड म्हैसाकडे जात होते. या दोन मोटसायकलची समोरासमोर जोरदार धडक झाली. या अपघातात तिघांचा मृत्यू झाला. तर ज्ञानेश्वर यांच्या गाडीवरील विनायक बोरोड (रा.नांदा,श्रावन पेंडेमोड रा.कुंभरगाव) हे गंभीर जखमी झाले. त्यांच्यावर भोकरच्या ग्रामीण रूग्णालयात प्राथमिक उपचार करून पुढील उपचारासाठी त्यांना नांदेडला पाठवण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.