Budget 2024 : कोणाला भीक नकोय, हा संपूर्णपणे राजकीय अर्थसंकल्प; ममता बॅनर्जी बरसल्या

पश्चिम बंगालच्या मुख्यमंत्री ममता बॅनर्जी यांनी मंगळवारी केंद्रीय अर्थसंकल्पावर जोरदार टीका केली आहे. हा अर्थसंकल्प राजकीय असून गरीब आणि जनताविरोधी असल्याची टीका ममता बॅनर्जी यांनी केली आहे. केंद्र सरकारने पश्चिम बंगालला सापत्न वागणूक दिली आहे. पंतप्रधान नरेंद्र मोदी पश्चिम बंगालचा द्वेश करतात, अशी खरमरीत ममता बॅनर्जी यांनी केली.

कोणाला भीक नको आहे, पश्चिम बंगालची जनता याचे उत्तर देईल. अर्थसंकल्पात सामान्य माणूस आणि गरीबांसाठी काही नाही आहे. बंगालसोबत पुन्हा एकदा दुजाभाव केला आहे. बंगालची केंद्रावर 1.71 लाख कोटी रुपयांहून अधिक थकबाकी आहे. मात्र आमच्या राज्याला अर्थसंकल्पात एक रुपयाही दिला नाही, असा संताप ममता बॅनर्जी यांनी व्यक्त केला.

अर्थसंकल्पात बिहार आणि आंध्र प्रदेशला विशेष प्राधान्य दिले, याला आमची काही हरकत नाही. मात्र यात बंगालसह अन्य राज्यांसोबत दुजाभाव केला आहे. हा संपूर्णपणे राजकीय अर्थसंकल्प आहे. यावरून पंतप्रधान नरेंद्र मोदी पश्चिम बंगालचा द्वेष करतात हे स्पष्ट होते, असे मुख्यमंत्री ममता बॅनर्जी म्हणाल्या.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.