‘नवरी मिळे हिटलरला’मध्ये लीलाचा जीव धोक्यात, एजे वाचवू शकेल का?

'नवरी मिळे हिटलरला' या लोकप्रिय मालिकेचं कथानक रंजक वळणावर येऊन पोहोचलं आहे. मालिकेत अंतराचा वाढदिवस साजरा होणार आहे. एजेसाठी हा दिवस खूप खास आहे.

लीला एका मिशनमध्ये इतकी गुंतली आहे की 24 तास तिच्या डोक्यात फक्त तोच विषय चालू आहे. हा विषय म्हणजे अंतराचा मृत्यू कसा झाला आणि त्यामागचा सूत्रधार कोण आहे?

सध्यातरी किशोरमुळे शंकेची सुई एजेवरच आहे. लीलाला पुरावे शोधण्यासाठी किशोरकडून सतत फोनवरून दबाव येत आहे. लीला पुरावा शोधण्यासाठी अंतराच्या कपाटाजवळ जाते आणि तेवढ्यात एजे तिला पाहतो आणि तिच्यावर रागावतो.

एजेकडे एक अनमोल लॉकेट आहे, ज्यात त्याचा आणि अंतराचा फोटो आहे. एजे ते फक्त अंतराच्या वाढदिवसाला बाहेर काढतो. श्वेता अंतराच्या फोटोच्या जागी त्या लॉकेटमध्ये लीलाचा फोटो लावते.

जेव्हा ते लॉकेट एजेच्या हातात येतं तेव्हा तो भयंकर चिडतो आणि लीलाला शिक्षा द्यायचं ठरवतो. लीलाला एजेकडून काय शिक्षा मिळेल, हे मालिकेच्या पुढील भागात पहायला मिळेल.

इकडे एजेला त्याच्या व्यावसायिक भागीदाराकडून रात्रीच्या जेवणाचं आमंत्रण मिळालं आहे आणि त्याला लीलासोबत तिथे जायचं आहे. किशोरही त्यांच्या मागे जातो. तिथे एक अपघात होण्यापासून तो लीलाला वाचवू शकेल का?