अमित शहा गरीबांचा मुडदा पाडणारे

केंद्रीय गृहमंत्री अमित शहांचा फक्त चेहराच माणसाचा आहे. गरीबांचा मुडदा पाडणारे हे लोक आहेत. नरेंद्र मोदी कधी गरिबांविषयी बोलतात का? त्यांना गोरगरीबांविषयी कळवळा नाही, असा हल्लाबोल मनोज जरांगे यांनी केला. मराठय़ांना ओबीसीतून आरक्षण द्यायचे की नाही हे तुम्ही एकदा स्पष्ट करा, असेही जरांगे म्हणाले.

मराठा आरक्षणाच्या मागणीसाठी मनोज जरांगे यांचे आंतरवाली सराटीत पाचव्यांदा उपोषण सुरू आहे. उपोषणाच्या तिसऱया दिवशी पत्रकारांशी बोलताना त्यांनी भाजपवर कडाडून हल्ला चढवला. पुण्यात अमित शहांनी केलेल्या भाषणाची जरांगे यांनी चिरफाडच केली. तुम्हाला कधी गरीबांविषयी कणव वाटली? मोदी कधी गोरगरीबांविषयी बोलतात? , असा आसूड जरांगे यांनी ओढला. ओबीसीतून मराठय़ांना आरक्षण देण्यासंदर्भात महाविकास आघाडीने भूमिका स्पष्ट करावी, असे देवेंद्र फडणवीस म्हणाले. भाजपची यासंदर्भात काय भूमिका आहे, असा सवाल जरांगे यांनी केला.

ओबीसी जनआक्रोश यात्रेला सुरुवात

मंडल स्तंभ हे ऊर्जा स्थळ आहे. येथूनच ओबीसी भटक्या विमुक्तांना न्याय देण्याचे काम झाले. त्यामुळे येथूनच ओबीसी जनआक्रोश यात्रेला प्रारंभ करण्यात येत असल्याचे प्रा. लक्ष्मण हाके म्हणाले. ओबीसी चळवळीने कधी महापुरुषांच्या पुतळय़ाखाली बसून कुणाला शिवीगाळ केली नाही, असा टोलाही त्यांनी जरांगे यांना लगावला

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.