आयएनएस ब्रह्मपुत्राला नौदल गोदीत आग

भारतीय नौदलाच्या मुंबईतील गोदीत देखभाल-सुधारणा सुरू असलेल्या आयएनएस ब्रह्मपुत्रा युद्धनौकेला रविवारी संध्याकाळी लागलेल्या आगीत मोठे नुकसान झाले आहे. एप्रिल 2000मध्ये नौदलात दाखल झालेली ही युद्धनौका एका बाजूला पूर्ण कलंडली असून तिच्यात पाणी शिरले आहे. एक खलाशीही बेपत्ता आहे. जहाजावरील कर्मचाऱ्यांनी नेव्हल डॉकयार्ड अग्निशमन दल आणि बंदरातील इतर जहाजांच्या सहाय्याने सोमवारी सकाळपर्यंत आग आटोक्यात आणली. मात्र जहाजाच्या तपासण्या सुरू असतानाच दुपारनंतर जहाज एका बाजूला कलंडू लागले. आता ते संपूर्णपणे एका बाजूला कलंडले आहे. यामुळे जहाजावरील युद्ध यंत्रणांसह अनेक सुविधांचे मोठे नुकसान झाले आहे. हे जहाज पुन्हा उभे करण्याचे अवघड आव्हान नौदलाला पेलावे लागणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.