बिग बॉस ओटीटी 3 चांगलेच धमाका करताना दिसत आहे. प्रेक्षकांमध्ये या सीजनबद्दल चांगलीच क्रेझ देखील बघायला मिलळंय. विशाल पांडे, लवकेश कटारिया आणि अरमान मलिक हे बिग बॉसच्या घरातील सर्वाधिक चर्चेत असणारी नावे आहेत. विशाल पांडे याने अरमान मलिकच्या पत्नीबद्दल अत्यंत चुकीची कमेंट केली. ज्यानंतर घरात मोठा हंगामा बघायला मिळाला. अरमान मलिक याने थेट विशाल पांडे याच्या कानाखाली मारली. मागच्या विकेंडच्या वारमध्ये चंद्रिका दीक्षित हिचा चांगलाच क्लास अनिल कपूर यांनी लावला होता. त्यानंतर ती बिग बॉसमधून बाहेरही पडली.
आता नुकताच विकेंडच्या वारमध्ये अनिल कपूर यांचा संताप चांगलाच वाढल्याचे बघायला मिळाले. बिग बॉस ओटीटी 2 विजेता एल्विश यादव हा नुकताच बिग बॉस ओटीटी 3 च्या मंचावर आपल्या मित्राला सपोर्ट करण्यासाठी आला. मात्र, एल्विश यादव याचे बोलणे ऐकून अनिल कपूर चांगलेच चिडल्याचे बघायला मिलाले.
त्याचे झाले असे की, अनिल कपूर यांनी एल्विश यादव याला विचारले की, अदनान याने बाहेरची बातमी घरातील लोकांसोबत का शेअर केली. यावर बोलताना एल्विश यादव हा म्हणाला की, सर मी तुम्हाला सांगितले ना…त्याला मेडिकल प्रॉब्लेम आहे. थोडा मेडिकल प्रॉब्लेम आहे डॉक्टरवाला. त्याला डोक्याची समस्या आहे.
हे बोलणे परत परत बोलताना एल्विश यादव हा दिसला. प्रश्नाचे सरळ उत्तर एल्विश यादव हा देत नसल्याने अनिल कपूर यांचा पारा चढला. अनिल कपूर यांनी एल्विश यादव याला म्हटले की, मजाक एकवेळ ठिक वाटते परत परत नाही. तुला काय वाटते…मेडिकल प्रक्रिया न करताच अदनानला बिग बॉसने घरात प्रवेश दिलाय?
मी काही प्रश्न विचारतोय आणि तू सारखा मजाकमध्ये उत्तरे देत आहे. यानंतर एल्विश यादव याने अनिल कपूर यांची माफी मागितली आणि उत्तरे दिली. एल्विश यादव हा लवकेश कटारिया याचा चांगला मित्र आहे. त्यालाच सपोर्ट करण्यासाठी तो बिग बॉसच्या मंचावर आला. एल्विश यादव याच्यावर काही दिवसांपूर्वीच गंभीर आरोप करण्यात आले. हेच नाहीतर काही दिवस जेलमध्ये राहण्याची वेळ ही एल्विश यादव याच्यावर आली.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List