Chandrapur: 24 तासापासून बस पुरातच अडकलेली, चालक-वाहक आणि प्रवासी सुखरूप बाहेर

चंद्रपूर जिल्ह्यात अनेक भागात सलग तीन दिवसांपासून मुसळधार पाऊस बरसत आहे. या पावसाने नदी, नाल्यांना पूर आला. या पुरात एसटी बस अडकल्याची घटना जिल्ह्यातील पोंभुर्णा तालुक्यात घडली. पाण्याची पातळी वाढत असताना चालक, वाहक आणि प्रवाशांनी लगेचच पुराच्या बाहेर पडण्याचा निर्णय घेतल्यानं मोठी दुर्घटना टळली.

गोंडपिंपरी- मुल मार्गाची एसटी बस पोंभूर्णा येथून मुलकडे निघाली होती. सुशी गावाजवळील पुलावरून पाणी वाहत होते. चालकाने गाडी थांबवली आणि पुराच्या पाण्याचा अंदाज घेतला. मात्र काही वेळातच पूर वाढला. पाण्याची पातळी वाढली. चालकाने सतर्कता बाळगत दोन नाल्याच्या मध्यभागी असलेल्या टेकडाच्या भागावर बस नेली. चालक, वाहक, प्रवासी तिथून सुखरूप बाहेर पडले. मात्र मागील 24 तासांपासून बस अजूनही पुरात अडकून पडली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.