धोतरामुळे वृद्ध शेतकऱ्याला मॉलमध्ये जाण्यापासून रोखले

धोतर नेसल्यामुळे एका वृध्द शेतकऱयाला मॉलमध्ये जाण्यापासून रोखण्यात आले आहे. बेंगळुरूमधील जीटी मॉलमध्ये हा प्रकार घडला. त्यामुळे मोठा वाद निर्माण झाला आहे. हा शेतकरी आपल्या मुलांसोबत मॉलमध्ये चित्रपट पाहण्यासाठी गेला होता. परंतु त्यांच्या कपडय़ांमुळे सुरक्षा रक्षकांनी त्यांना आत जाऊच दिले नाही. सुरक्षा रक्षकांनी शेतकऱयाला सांगितले की, व्यवस्थापन कोणालाही धोतर घालून आत येऊ देत नाही आणि जर त्याला मॉलमध्ये जायचे असेल तर त्याने पँट परिधान करणे आवश्यक आहे.

सोशल मीडियावर या घटनेचा व्हिडीओ व्हायरल झाल्यानंतर सुरक्षा रक्षकांनी शेतकरी आणि त्यांच्या मुलाची माफी मागितली आहे. सोशल मीडियावर अनेकांनी याबाबत मॉल व्यवस्थापनाचा निषेध केला असून ते वृद्ध शेतकऱयाचा अपमान करत असल्याचे म्हटले आहे. शेतकरी संघटनेने मॉलबाहेर आंदोलन करण्याचा इशारा दिला आहे. याआधीही एका शेतकऱयाला त्याच्या घाणेरडय़ा कपडय़ांमुळे बेंगळुरूच्या राजाजीनगर स्टेशनवर एका अधिकाऱयाने मेट्रो ट्रेनमध्ये चढण्यापासून रोखले होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.