पोटनिवडणुकीआधी यूपीत भाजपला मोठा धक्का, विजय बहादूर यादव यांची घरवापसी

उत्तरप्रदेशात विधानसभेच्या 10 जागांवर होणाऱ्या पोटनिवडणुकीआधी भाजपला मोठा धक्का बसला आहे. लखनऊचे माजी जिल्हा पंचायत अध्यक्ष विजय बहादूर यादव यांनी आपल्या अनेक साथीदारांसोबत मिळून समाजवादी पार्टीत प्रवेश केला आहे. यावेळी समाजवादी पार्टीचे राष्ट्रीय अध्यक्ष आणि खासदार अखिलेश यादव उपस्थित होते. विजय यादव यांनी पंचायत निवडणुकीआधी भाजपमध्ये प्रवेश केला होता. मात्र आता पुन्हा घरवापसी केली आहे.

समाजवादी पार्टीचे राष्ट्रीय अध्यक्ष अखिलेश यादव यांनी प्रदेश कार्यालयात विजय बहादूर यादव यांना बुधवारी सदस्यता दिली. विजय यादव यांनी मागच्या जिल्हा पंचायत निवडणुकीआधी भाजपमध्ये प्रवेश केला होता.

विजय बहादूर यादव यांनी सपामध्ये घरवापसी केल्याने भाजपसाठी हा मोठा धक्का मानला जात आहे. त्यामुळे भाजपचे विद्यमान जिल्हा पंचायत अध्यक्ष यांच्या अडचणीत वाढ होऊ शकते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.