Katrina Kaif: ‘या’ गावात का होते कतरिना कैफची पूजा? अनेक वर्षांनंतर सत्य समोर

अभिनेत्री कतरिना कैफ हिला आज कोणत्याच ओळखीची गरज नाही. लहान मुलांपासून मोठ्या व्यक्तींपर्यंत अनेक जण कतरिना हिचे चाहते आहेत. सोशल मीडियावर देखील चाहते कतरिना हिचे फोटो आणि व्हिडीओ पोस्ट करत असतात. नुकताच, कतरिना हिने 41 वा वाढदिवस मोठ्या थाटात साजरा केला. अभिनेत्रीचा वाढदिवस असल्यामुळे चाहते आणि सेलिब्रिटींनी अभिनेत्रीला वाढदिवसाच्या शुभेच्छा दिल्या. दरम्यान, अभिनेत्रीबद्दल एक मोठं सत्य समोर आहे. भारतातील एका गावातील कपल गेल्या 11 वर्षांपासून कतरिना हिची पूजा करत आहेत. शिवाय अभिनेत्रीचा वाढदिवस देखील त्यांनी मोठ्या थाटात साजरा केला.

हरियाणा येथील चरखी दादरी जिल्ह्यातील एक कपल रोज कतरिना हिची पूजा करतात. ढाणी फोगट गावचे रहिवासी करमबीर उर्फ ​​बंटू आणि त्याची पत्नी संतोष, कतरिना कैफची देवी म्हणून पूजा करतात. गेल्या 11 वर्षांपासून हे कपल केक कापून आणि लाडू वाटून कतरिनाचा वाढदिवस मोठ्या थाटामाटात साजरा करत आहेत. कतरिना कैफने त्यांना भेटायला यावे, अशी त्यांची इच्छा आहे.

बंटू म्हणाला, ‘मी जेव्हा 13 -14 वर्षांचा होतो तेव्हा पासून कतरिना हिचा वाढदिवस साजरा करतो. लग्नाआधी एकटाच वाढदिवस साजरा करायचो. आता मी आणि पत्नी मिळून वाढदिवस साजरा करतो. कतरिना हिने माझ्या घरी यावं अशी माझी इच्छा आहे. मला पूर्ण विश्वास आहे की, कतरिना कधीतरी आम्हाला भेटण्यासाठी नक्की येई…’

बंटू याची पत्नी संतोष म्हणाली, ‘कतरिना आज 41 वर्षांची झाली आहे आणि वाढदिवसाच्या निमित्ताने आम्ही मोठ्या थाटात वाढदिवस साजरा केला. माझी हात जोडून विनंती आहे की, कतरिना लवकरच आम्हाला भाटण्यासाठी येईल… गेल्या 11 वर्षांपासून आम्ही रोज अभिनेत्रीची पूजा करतो…’ सध्य सर्वत्र कतरिना हिची चर्चा रंगली आहे.

कतरिना कैफचे सिनेमे आणि संपत्ती

‘नमस्ते लंडन’, ‘वेलकम’, ‘पार्टनर’, ‘रेस’, ‘सिंग इज किंग’, ‘राजनीति’, ‘जिंदगी ना मिलेगी दोबारा’, आणि ‘एक था टायगर’ यांसारख्या सिनेमांमध्ये दमदार भूमिका साकारत कतरिना हिने स्वतःची ओळख निर्माण केली. आज कतरिना कोट्यवधींची मालकीण आहे.

कतरिना कैफ हिच्या संपत्तीबद्दल सांगायचं झालं तर, अभिनेत्रीकडे रिपोर्टनुसार 224 कोटी रुपये आहेत. बॉलिवूडमधील सर्वात महागड्या अभिनेत्रींच्या यादीत अव्वल असलेली कतरिना कैफ आता एका सिनेमासाठी सुमारे 15 ते 20 कोटी रुपये मानधन घेते. फक्त सिनेमाच नाही तर, इतर मार्गांनी देखील अभिनेत्री कोट्यवधींची कमाई करते.