पेपर चोरणाऱ्या दोघांना सीबीआयकडून अटक; एनटीएच्या ट्रंकमधून केली होती चोरी

सीबीआय अर्थात केंद्रीय अन्वेषण ब्युरोने आज नीट यूजी परीक्षेतील पेपर चोरणाऱ्या दोघांना अटक केली. त्यांनी एनटीए अर्थात नॅशनल टेस्टिंग एजन्सीच्या ट्रंकमधून हे पेपर चोरल्याचे उघड झाले आहे. पंकज कुमार आणि राजू सिंग अशी त्यांची नावे आहेत. विशेष म्हणजे पंकज कुमार सिव्हिल इंजिनीयर आहे.

नीट पेपरफुटी आणि अनियमिततेप्रकरणी अटक करण्यात आलेल्यांची संख्या आता 14 वर पोहोचली आहे. परीक्षेतील कथित अनियमिततेची चौकशी करणाऱ्या तपास संस्थेने सहा एफआयआर नोंदवले आहेत. बिहारमधील एफआयआर पेपर लीकशी संबंधित आहेत तर उर्वरित गुजरात, राजस्थान आणि महाराष्ट्रातील उमेदवारांची तोतयागिरी आणि फसवणुकीशी संबंधित आहेत. राजू सिंग या दुसऱ्या आरोपीने पेपर चोरण्यात आणि टोळीच्या इतर सदस्यांना पाठवण्यात मदत केली होती. सिंह यालाही हजारीबाग येथून अटक करण्यात आली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.