Chandrapur News : कामाच्या तणावातून पोलिसाचा जीवन संपवण्याचा प्रयत्न

सततच्या कामाच्या तणावातून एका पोलीस शिपायाने जीवन संपवण्याचा प्रयत्न केल्याची घटना चंद्रपूरमध्ये घडली. कुटुंबीयांच्या सतर्कतेमुळे पोलिसाचे प्राण वाचले. राकेश सोनुने असे सदर पोलिसाचे नाव आहे. सोनुने यांच्यावर चंद्रपूर येथील रुग्णालयात उपचार सुरु आहेत.

राकेश सोनुने हे वरोरा पोलीस ठाण्यात कार्यरत आहेत. सतत बंदोबस्त आणि अतिरिक्त कामाचा दबाव यामुळे सोनुने मानसिक तणावात होते. याच तणावातून त्यांनी विष प्राशन करुन जीवन संपवण्याचा प्रयत्न केला.

सोनुने यांच्या कुटुंबीयांच्या ही बाब वेळीच लक्षात आल्याने त्यांनी तात्काळ त्यांना रुग्णालयात दाखल केले. वेळेत उपचार मिळाल्याने सोनुने सुखरुप बचावले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.