Jalna News : जालना-छत्रपती संभाजीनगर रोडवर दुचाकीला अज्ञात वाहनाने उडवले, दोघांचा जागीच मृत्यू

जालना-छत्रपती संभाजीनगर रोडवर बदनापूर जवळील वरुडीकडून बदनापूरकडे जाणाऱ्या दुचाकीला अज्ञान वाहनाने जोरदार धडक दिल्याची घटना घडली आहे. या गंभीर अपघातात दुचाकीवरील दोण जणांचा जागीच मृत्यू झाला आहे.

सदर घटना जालना-छत्रपती संभाजीनगर रोडवरील वरुडीफाट्यावर घडली आहे. आज (12 जुलै) सकाळी 10 च्या सुमारास कलिम अब्दुल नबी व नाजीम हमीद पठान हे युवक दुचाकीवरुन बदनापूरला निघाले होते. यावेळी पाठीमागून भरधाव वेगात येणाऱ्या वाहनाने त्यांना जोरदार धडक दिली आणि या गंभीर अपघातात त्यांचा जागीच मृत्यू झाला. घटनेची माहिती मिळताच पोलीस उपनिरीक्षक भाऊसाहेब सहाणे व जमादार बाबासाहेब जऱ्हाड यांनी घटनास्थळी धाव घेत मृतदेह पुढील कारवाईसाठी ग्रामीण रुग्णालयात पाठवले आहेत. परंतु याप्रकरणी अद्यापही गुन्हा दाखल करण्यात आलेला नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.