Ratnagiri News : 50 हजारांची लाच मागणारा मुख्य लिपीक ACB च्या जाळ्यात

सावकारीच्या परवान्याचे काम करून देण्यासाठी 50 हजार रुपयांची लाच मागणारा मुख्य लिपीक लाच लुचपत प्रतिबंधक विभागाच्या रंगेहात जाळ्यात सापडला आहे. ही कारवाई आज सकाळी सहाय्यक निबंधक सहकारी संस्था तथा सावकारांचे निबंधक रत्नागिरी कार्यालयात करण्यात आली.

सहाय्यक निबंधक सहकारी संस्था तथा सावकारांचे निबंधक रत्नागिरी कार्यालयातील मुख्य लिपीक विनायक भोवड, वय 57 याने तक्रारदाराकडे सावकारी परवान्याचे काम करून देण्यासाठी 50 हजार रुपयांची लाच मागितली. ही लाच त्याने स्वतःसाठी आणि डीडीआर कार्यालयाला देण्यासाठी मागितली होती. तक्रारदाराने केलेल्या तक्रारीच्या आधारवर आज सकाळी बारा वाजण्याच्या सुमारास मुख्य लिपीक विनायक भोवड यांना लाच घेताना लाच लुचपत प्रतिबंधक विभागाने रंगेहात पकडले. ही कारवाई पोलीस निरिक्षक अनंत कांबळे, संदीप ओगले, संतोष कोळेकर, विशाल नलावडे, दीपक आंबेकर, हेमंत पवार, राजेश गावकर यांनी केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.