अंबानी कुटुंबाच्या ‘या’ सूनेसाठी संजय दत्तने रागात फाडले होते एका व्यक्तीचे कपडे; काय आहे किस्सा?

बॉलिवूडमध्ये 70 आणि 80 च्या दशकात अशा अनेक अभिनेत्री होत्या, ज्यांनी फिल्मी करिअर दमदार सुरू असतानाही अभिनय विश्वापासून फारकत घेतली. अशाच एका अभिनेत्रीने 'सौतन', 'रॉकी', 'कर्ज', 'बातों बातों में' यांसारख्या चित्रपटांमध्ये काम केलं होतं.

ही अभिनेत्री दुसरी-तिसरी कोणी नसून टीना मुनीम आहे. लग्नानंतर टीना मुनीम यांनी बॉलिवूडमधील करिअर सोडण्याचा निर्णय घेतला होता. अंबानी कुटुंबाची सून टीना अंबानी यांनी अनेक मोठ्या चित्रपटांमध्ये काम केलं होतं.

टीना मुनीम यांनी 1991 मध्ये अनिल अंबानी यांच्याशी लग्न केलं होतं. या दोघांना जय अनमोल आणि जय अंशुल ही दोन मुलं आहेत. लग्नापूर्वी टीना यांचं नाव अभिनेता संजय दत्तशी जोडलं गेलं होतं.

1981 मध्ये संजय दत्तने 'रॉकी' या चित्रपटातून बॉलिवूडमध्ये पदार्पण केलं होतं. या चित्रपटाच्या शूटिंगदरम्यान घडलेला एक किस्सा त्यावेळी खूप चर्चेत होता. 'रॉकी'च्या शूटिंगदरम्यान प्रेक्षकांची बरीच गर्दी जमली होती. या गर्दीमुळे कलाकारांना अनेक समस्यांना सामोरं जावं लागलं होतं. प्रेक्षकांच्या याच गर्दीतून एका व्यक्तीने टीना मुनीम यांच्यावर कमेंट केली होती.

ही कमेंट ऐकल्यानंतर संजय दत्तच्या तळपायाची आग मस्तकात गेली आणि त्याने तिथेच त्या व्यक्तीच्या अंगावरील कपडे फाडले होते. संजय दत्त आणि टीना मुनीम हे दोघं रिलेशनशिपमध्ये असल्याच्या जोरदार चर्चा होत्या. मात्र या दोघांचं नातं फार काळ टिकलं नाही.