बुमरा, मानधनाला ‘आयसीसी प्लेयर ऑफ द मंथ’ पुरस्कार

टी-20 वर्ल्ड कपमध्ये टीम इंडियाला जगज्जेतेपद मिळवून देण्यात बहुमोल योगदान देणारा स्टार वेगवान गोलंदाज जसप्रीत बुमराच्या शिरपेचात आणखी एक मानाचा तुरा खोचला गेलाय. त्याला जून महिन्यासाठी ‘आयसीसी प्लेयर ऑफ द मंथ’ पुरस्काराने गौरविण्यात आले. महिला गटात हा मान हिंदुस्थानची मराठमोळी क्रिकेटर स्मृती मानधना हिने पटकाविला. जसप्रीत बुमराने ‘आयसीसी प्लेयर ऑफ द मंथ’ पुरस्कारावर शर्यतीत रोहित शर्मा आणि रहमानुल्ला गुरबाज यांना मागे टाकले. टी-20 वर्ल्ड कपमध्ये भन्नाट कामगिरी केल्याबद्दल त्याला या पुरस्काराने सन्मानित करण्यात आले आहे. बुमराह टी-20 वर्ल्ड कपमध्ये ‘मालिकावीर’ पुरस्काराचा मानकरी ठरला होता. त्याने या स्पर्धेत 8.26 च्या सरासरीने 15 बळी टिपले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.