Mumbai Rain Update : मुंबईतील पावसाच्या तडाख्यातून आमदारही नाही सुटले; अमोल मिटकरी, अनिल पाटील ट्रॅकवरून चालत निघाले

मुंबईत गेल्या काही तासात झालेल्या मुसळधार पावसामुळे अनेक भागात तसेच रेल्वे ट्रॅकवर मोठ्या प्रमाणात पाणी साचले आहे. पाणी साचल्यामुळे मध्य रेल्वेची वाहतूक ठप्प झाली होती. त्यामुळे अनेक लांब पल्ल्याच्या गाड्या देखील वेगवेगळ्या स्थानकात अडकल्या होत्या. याचा फटका महाराष्ट्रातील आमदारांना देखील बसला. अधिवेशन सुरू असल्याने एक्सप्रेसने मुंबईच्या दिशेने निघालेले काही आमदार देखील एक्सप्रेसमध्ये अडकले आहेत. दरम्यान अजित पवार गटाचे मंत्री अनिल पाटील व आमदार अमोल मिटकरी हे ट्रॅकवरून चालत निघाल्याचे समोर आले आहे.

पावसामुळे सायन – कुर्ला लाल बहादूर शास्त्री मार्ग पाण्याखाली#Mumbairain pic.twitter.com/gn2JzpA9EC

— Saamana (@SaamanaOnline) July 8, 2024

राज्याचे मदत व पुनर्वसन मंत्री अनिल पाटील, आमदार अनिल पाटील, आमदार संजय गायकवाड हे या एक्सप्रेसमध्ये अडकले असून त्यांच्या व्यतिरिक्त आणखी सहा ते आठ आमदार या एक्सप्रेसमध्ये अडकले आहेत असे समजते.

मुंबईत रविवारी रात्री 1 ते सोमवारी सकाळी 7 वाजेपर्यंत या सहा तासांच्या कालावधीत विविध ठिकाणी 300 मिलिमीटर पेक्षा अधिक पावसाची नोंद झाली आहे. मुंबईतील अनेक भागांमध्ये मोठ्या प्रमाणात पाणी साचले असून उपनगरीय रेल्वे सेवा देखील विस्कळीत झाली आहे. #Mumbairain pic.twitter.com/sjULr7zV5X

— Saamana (@SaamanaOnline) July 8, 2024

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.