Worli Hit And Run : मद्यप्राशन करून गाडी चालवत होता मिहीर शहा? आदल्या रात्री मित्रांसोबत केलेली पार्टी

वरळीत रविवारी सकाळी मिंधे गटाचे उपनेते राजेश शहा यांच्या गाडीने एका दुचाकीला धडक दिली. अपघात झाला तेव्हा शहा यांचा या धडकेत कावेरी नाखवा या वरळीतील महिलेचा मृत्यू झाला. दरम्यान या अपघाताआधी मिहीर शहा याने मद्यप्राशन केल्याचे समोर आले आहे.

एबीपी माझाने दिलेल्या वृत्तानुसार, मिहीर याने शनिवारी रात्री वाईस ग्लोबल बारमध्ये आपल्या मित्रांसोबत पार्टी केली. त्यानंतर रात्री दीडच्या सुमारास त्या बारमधून बाहेर पडल्याचे वाईस ग्लोबल बारचे मालक करण शहा यांनी एबीपी माझाला सांगितले.

प्रदीप नाखवा आणि कावेरी नाखवा हे वरळी कोळीवाड्यातील दाम्पत्य मच्छी आणायला ससून डॉकला गेले होते. तिथून परत येत असताना मिहीर शहा याच्या गाडीने त्यांच्या बाईकला धडक दिली. अपघातानंतर नाखवा दाम्पत्य कारच्या बोनेटवर पडले. प्रदीप यांनी प्रसंगावधान राखत बाजूला उडी मारली, मात्र कावेरी यांना ती संधी मिळाली नाही आणि त्याच वेळी मिहीरने वेगाने कार दामटवत त्यांना चार किलोमीटरपर्यंत फरफटत नेले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.