विद्युत स्मार्ट मीटरला विरोध, कृती समितीची आज जाहीर सभा

केंद्र सरकारचे विद्युत स्मार्ट मीटर धोरण म्हणजे एकप्रकारे सर्वसामान्यांची पिळवणूक आहे. ही योजना म्हणजे लोकविरोधी आणि लोकांना आर्थिक संकटात टाकणारी आहे. वीज ग्राहकांवर होऊ घातलेल्या या संकटाविरोधात जनजागृती करण्यासाठी विद्युत स्मार्ट मीटर विरोधी कृती समितीच्या नेतृत्वाखाली उद्या, 7 जुलै रोजी सायंकाळी 5 वाजता दादर पूर्व येथील मुंबई मराठी ग्रंथसंग्रहालयाच्या सभागृहात जाहीर सभेचे आयोजन करण्यात आले आहे.

या सभेत केंद्र सरकारचे विद्युत स्मार्ट मीटर धोरण तसेच वीज ग्राहकांवर होऊ घातलेले आर्थिक संकट आणि इतर गंभीर समस्या याबाबत माजी महापौर निर्मला सामंत-प्रभावळकर, मुंबई इलेक्ट्रिक वर्कर्स युनियनचे सरचिटणीस विठ्ठलराव गायकवाड, बेस्ट कामगार सेनेचे अध्यक्ष सुहास सामंत, अपघात निवारण समितीचे माजी सदस्य हर्षद स्वार आणि कामगार एकता कमिटीचे गिरीश आदी तज्ञ व्यक्तीकडून मार्गदर्शन करण्यात येणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.