मध्य, हार्बर रेल्वेवर आज मेगाब्लॉक

रेल्वे रूळ, सिग्नलिंग यंत्रणा आणि ओव्हरहेड उपकरणांच्या देखभाल व दुरुस्तीच्या कामासाठी मध्य आणि हार्बर मार्गावर रविवार, 7 जुलै रोजी मेगाब्लॉक घेण्यात आला आहे. यामुळे काही गाडय़ा उशिराने धावतील तर काही गाडय़ा रद्द केल्या जातील. पश्चिम रेल्वेवर शनिवारी मध्यरात्री 12.15 ते पहाटे 4.15 वाजेपर्यंत वसई रोड ते विरारदरम्यान ब्लॉक घेण्यात आला. त्यामुळे या मार्गावर दिवसकालीन ब्लॉक घेण्यात येणार नाही. मध्य रेल्वेवर रविवारी सकाळी 10.50 ते दुपारी 3.20 वाजेपर्यंत ठाणे ते दिवा स्थानकांदरम्यान पाचव्या आणि सहाव्या मार्गावर ब्लॉक असणार आहे. ब्लॉक कालावधीत जलद मार्गावरील गाडय़ा धीम्या मार्गावर वळवण्यात येणार आहेत. काही गाडय़ा उशिराने धावतील तर काही गाडय़ा रद्द केल्या जातील. तसेच 18 अप-डाऊन मेल-एक्स्प्रेस उशिराने धावतील. हार्बर मार्गावर सकाळी 11.10 ते दुपारी 4.10 वाजेपर्यंत कुर्ला ते वाशीदरम्यान अप आणि डाऊन मार्गावर ब्लॉक जाहीर केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.