जगज्जेत्या हिंदुस्थानी क्रिकेट संघातील शिलेदार आज विधिमंडळात

विश्वचषक क्रिकेट स्पर्धेत जगज्जेत्या ठरलेल्या हिंदुस्थानी संघातील चार खेळाडू उद्या विधिमंडळात येणार आहेत. हिंदुस्थानी संघातील मुंबईकर क्रिकेटपटू रोहित शर्मा, सूर्यकुमार यादव, शिवम दुबे आणि यशस्वी जयस्वाल हे चार खेळाडू मुंबईचे आहेत. त्यांचे आज मुंबईत आगमन झाल्यानंतर मोठय़ा जल्लोषात त्यांचे स्वागत करण्यात आले. उद्या हे चौघेही विधिमंडळात येणार आहेत. त्यांचा सत्कार विधिमंडळाच्या आवारात केला जाणार आहे. हिंदुस्थानी क्रिकेट संघाच्या विजयाबद्दल विधानसभेत अभिनंदनाचा प्रस्ताव नुकताच मांडला गेला होता. उद्या येणाऱया खेळाडूंचाही सत्कार केला जाईल, असे विधानसभा अध्यक्ष राहुल नार्वेकर यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.