अमरनाथ यात्रेहून परतताना बसचा ब्रेक फेल, भाविकांच्या चालत्या गाडीतून उड्या; 10 भाविक जखमी

अमरनाथ यात्रेवरून परतत असताना राष्ट्रीय महामार्गावर भाविकांच्या बसचा ब्रेक फेल झाला. ब्रेक फेल झाल्याने बस अनियंत्रित झाली. यावेळी जीव वाचवण्यासाठी भाविकांनी चालत्या बसमधून उड्या घेतल्याची घटना उघडकीस आली आहे. या घटनेत 10 भाविक जखमी झाले असून, सुदैवाने जीवितहानी टळली. जखमींमध्ये सहा पुरुष, तीन महिला आणि एका बालकाचा समावेश आहे.

पंजाबमधील होशियारपूर येथील 40 भाविक मंगळवारी अमरनाथ यात्रेला गेले होते. अमरनाथ यात्रा करून होशियारपूर येथे परतत असताना रामबन जिल्ह्यातील राष्ट्रीय महामार्ग क्र. 44 वर बसचा ब्रेक फेल झाला. यामुळे बस अनियंत्रित झाली आणि जीव वाचवण्यासाठी भाविकांनी चालत्या बसमधून उड्या घेतल्या. ही सर्व घटना मोबाईलमध्ये कैद झाली असून, सोशल मीडियावर याचा व्हिडिओ व्हायरल झाला आहे.

भाविकांना चालत्या बसमधून उड्या मारताना पाहून जवान आणि पोलिसांनी तात्काळ धाव घेत टायरखाली दगड टाकून बसला दरीत कोसळण्यापासून वाचवले. लष्कराच्या क्विक रिॲक्शन टीम्स, रुग्णवाहिकेसह घटनास्थळी दाखल झाल्या. सर्व जखमींना वैद्यकीय मदत आणि प्राथमिक उपचार देण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.