अभिनेत्री सोनाक्षी सिन्हाच्या आंतरधर्मीय लग्नावरून अद्याप वाद सुरूच असल्याचं पहायला मिळतंय. लग्नाच्या सात दिवसांनंतर सोनाक्षी भाऊ लव सिन्हा याने एक्स (ट्विट) अकाऊंटवर काही वादग्रस्त पोस्ट लिहिले. ही पोस्ट सोनाक्षीच्या सासऱ्यांबद्दल होती. लव सिन्हाची ही पोस्ट व्हायरल होताच त्याने आता डॅमेज कंट्रोल करण्याचा प्रयत्न केला आहे. सोनाक्षीच्या सासऱ्यांबद्दलची ती वादग्रस्त पोस्ट त्याने एक्स अकाऊंटवर डिलिट करत स्पष्टीकरण दिलं आहे. सोनाक्षीने 23 जून रोजी बॉयफ्रेंड झहीर इक्बालशी लग्न केलं. या लग्नाबाबत तिच्या कुटुंबात नाराजी असल्याची जोरदार चर्चा होती. तिचा सख्खा भाऊ लव सिन्हा या लग्नाला गैरहजर होता. काही लोकांशी मला कधीच संबंध ठेवायचे नाहीत, असं म्हणत त्याने लग्नाला गैरहजर राहण्यामागचं कारण सांगितलं होतं.
सोनाक्षीच्या सासऱ्यांबद्दलची पोस्ट काय होती?
‘त्याच्या कौटुंबिक व्यवसायाबद्दल काळजीपूर्वक बातम्या तयार केल्या गेल्या आहेत. मुलाच्या वडिलांचं एका अशा राजकारण्याशी जवळचे संबंध आहेत, ज्याची ईडी चौकशी वॉशिंग मशीनमध्ये गायब झाली होती, याकडे कोणी लक्ष वेधत नाही. तसंच मुलाच्या वडिलांच्या दुबईतील वास्तव्याबद्दलही कोणतीच चर्चा नाही’, असं वादग्रस्त ट्विट लव सिन्हाने केलं होतं. यापुढे त्याने म्हटलं होतं, ‘मी लग्नाला उपस्थित का राहिलो नाही याची कारणं अगदी स्पष्ट आहेत आणि काहीही झालं तरी मी काही लोकांशी कधीच संबंध ठेवणार नाही. मला आनंद आहे की मीडियाच्या सदस्याने पीआर टीमद्वारे मांडलेल्या सर्जनशील कथांवर अवलंबून न राहता त्यांचा रिसर्च केला.’
The quote that is being incorrectly attributed to me is not my statement, and was written in an article by a senior journalist . The matter is now closed, and I will not be commenting on it any further.
— Luv S Sinha (@LuvSinha) July 2, 2024
लव सिन्हाचे आधीचे ट्विट्स-
पोस्ट डिलिट करून सारवासारव
झहीरच्या वडिलांबद्दलची पोस्ट डिलिट करून लवने आता लिहिलंय, ‘माझ्या नावाने जे विधान व्हायरल केलं जातंय, ते माझं नसून एका ज्येष्ठ पत्रकाराने त्यांच्या लेखात लिहिलं होतं. हे प्रकरण आता संपलं आहे आणि त्यावर मी अधिक भाष्य करणार नाही.’ लव सिन्हाच्या या नव्या पोस्टमुळे पुन्हा एकदा सोनाक्षी-झहीरच्या लग्नावरून निर्माण झालेल्या वादाची चर्चा होऊ लागली आहे.
About The Author
.jpeg)
Comment List