सलमान खानच्या हत्येसाठी 25 लाखांची सुपारी; पाकिस्तानमधून होणार होता शस्त्र पुरवठा!

बॉलिवूड सुपरस्टार सलमान खानच्या घरावर काही दिवसांपूर्वी गोळीबाराची घटना घडली होती. या घटनेनंतर गँगस्टर लॉरेन्स बिश्नोईच्या टोळीने या हल्ल्याची जबाबदारी घेतली होती. सलमान खानच्या हत्येचा कट रचल्याप्रकरणी पोलिसांनी पाच आरोपींच्या विरुद्ध गुन्हा दाखल केला आहे. आता पोलिसांनी दाखल केलेल्या आरोपपत्रामध्ये धक्कादायक माहिती समोर आली आहे. सलमान खानच्या हत्येसाठी लॉरेन्स बिश्नोईच्या टोळीने 25 लाखांची सुपारी जाहीर केली होती, असे पोलिसांनी सांगितले आहे.

ऑगस्ट 2023 ते एप्रिल 2024 या कालावधीत कट रचण्यात आला होता. महत्त्वाचं म्हणजे या टोळीचा पाकिस्तानाकडून एके-47, एके-92, एम-16 रायफल्स आणि तुर्की बनावटीच्या झिगाना पिस्तुलसह बंदुका मिळविण्याचा इरादा होता.

हत्येसाठी 18 वर्षांखालील मुलांना वापरण्यात आले होते. ही अल्पवयीन मुले हल्ला करण्यासाठी टोळीतील मुख्य सूत्रधाराच्या आदेशाची वाट पाहत होती, अशी धक्कादायक माहिती समोर आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.