ऐकावं ते नवलच! मला प्रियकरासोबत राहायचंय, खर्च नवऱ्यानं करावा

मला माझ्या प्रियकरासोबत राहायचे आहे, परंतु घरखर्च नवऱ्याने करावा, अशी विचित्र मागणी पत्नीने केल्याने नवरा चक्रावून गेला आहे. ही घटना उत्तर प्रदेशातील आग्रा येथे घडली आहे. नवराबायकोचे हे प्रकरण सध्या कुटुंब समुपदेशन केंद्रापर्यंत पोहोचले आहे. महिलेने समुपदेशकासमोर ही गोष्ट सांगितल्याने सर्वच हैराण झाले आहेत.

माझा आणि दोन्ही मुलींचा खर्च नवऱ्याने करावा. कारण या दोन्ही मुली मला नवऱ्यापासून झाल्या आहेत. त्यामुळे खर्चाची जबाबदारी नवऱ्याची आहे, असे पत्नीने म्हटले आहे, तर जर पत्नी माझ्यासोबत राहत नसेल तर मी तिचा आणि तिच्या मुलीचा खर्च का उचलू? असे नवऱ्याचे म्हणणे आहे. तिला तिच्या प्रियकरासोबत राहायचे आहे तर तिने तिचा खर्च स्वतः करावा, असेही नवऱ्याचे म्हणणे आहे. नवरा मला वेळ देत नसल्याने प्रियकराने आधार दिला, असे पत्नीने म्हटले. या दोघांच्या लग्नाला 10 वर्षे झाली आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.