मुंबई पदवीधर आणि शिक्षक मतदारसंघात शिवसेनेचीच बाजी! शिक्षक मतदारसंघातून ज.मो अभ्यंकर विजयी

विधानपरिषदेच्या मुंबई पदवीधर आणि शिक्षक मतदार संघातून महाविकास आघाडीतील शिवसेनेने (उद्धव बाळासाहेब ठाकरे) बाजी मारली आहे. मुंबई पदवीधर मतदारसंघातून अनिल परब विजयी झाले आहेत. तर शिक्षक मतदारसंघातून शिवसेनेचे (उद्धव बाळासाहेब ठाकरे) उमेदवार ज.मो. अभ्यंकर यांचा दणदणीत विजय झाला आहे. त्यामुळे मुंबईतील शिक्षक आणि पदवीदर मतदारसंघात शिवसेनेनेच बाजी मारली आहे.

मुंबई शिक्षक मतदारसंघातून महाविकास आघाडी व शिवसेना (उद्धव बाळासाहेब ठाकरे) पक्षाचे उमेदवार श्री. ज.मो. अभ्यंकर जी ह्यांच्या दणदणीत विजयाबद्दल मनःपूर्वक अभिनंदन!@ShivSenaUBT_ #teachersconstituency #Mumbai #JMAbhyankar #ShivsenaUBT #MahavikasAghadi pic.twitter.com/J7cUCwOEkO

— Sanjay Dina Patil (@SDPatil_16) July 1, 2024

मुंबई शिक्षक मतदारसंघात पंचरंगी लढत झाली. या मतदारसंघात शिवसेनेचे अभ्यंकर, भाजपचे शिवनाथ दराडे, शिक्षक भारतीचे सुभाष मोरे, शिंदे गटपुरस्कृत शिवाजी शेंडगे आणि अजित पवार गटाकडून शिवाजी नलावडे हे पाच उमेदवार रिंगणात होते. यात शिवसेनेच्या ज.मो. अभ्यंकर यांनी विजय मिळवला आहे. शिवसेना खासदार संजय दीना पाटील यांनी विजयाबाबत अभ्यंकर यांचे अभिनंदन केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.