सोनाक्षीच्या लग्नानंतर भाऊ लव सिन्हाने दिले थेट उत्तर, म्हणाला, माझ्यासाठी कायमच…

बॉलिवूड अभिनेत्री सोनाक्षी सिन्हा हिने झहीर इक्बाल याच्यासोबत 23 जून 2024 रोजी लग्न केले. विशेष म्हणजे लग्नानंतर खास पार्टीचे आयोजनही करण्यात आले. या पार्टीला जवळपास सर्वच बॉलिवूड कलाकार पोहचले होते. हेच नाही तर या पार्टीतील अनेक फोटो आणि व्हिडीओ सोशल मीडियावर व्हायरल होताना दिसले. आपल्याच लग्नात धमाकेदार डान्स करताना सोनाक्षी सिन्हा दिसली. सोनाक्षी सिन्हा हिच्या लग्नाला तिच्या घरच्यांचा विरोध असल्याची जोरदार चर्चा रंगताना दिसली. मात्र, वडील शत्रुघ्न सिन्हा यांचा हात पकडून सही करताना सोनाक्षी सिन्हा ही दिसली होती.

सोनाक्षी सिन्हा आणि झहीर इक्बाल हे गेल्या सात वर्षांपासून एकमेकांना डेट करत आहेत. झहीर इक्बाल याला सलमान खानने बॉलिवूडमध्ये लॉन्च केले. हेच नाही तर सलमान खान आणि झहीर इक्बाल याच्या वडिलांची खास मैत्री आहे. सोनाक्षी सिन्हाच्या लग्नामध्ये तिचे दोन्ही भाऊ लव आणि कुश भावांचे कर्तव्य पार पाडताना दिसले नसल्याचे सांगितले जातंय.

हेच नाही तर सोनाक्षीच्या लग्नाचे अनेक फोटो आणि व्हिडिओ व्हायरल होत आहेत. मात्र, त्यामध्ये कुठेच लव आणि कुश दिसत नाहीत. यावरून सातत्याने लव आणि कुशला प्रश्न विचारले जात आहेत. नुकताच आता लव सिन्हा याने सोशल मीडियावर एक पोस्ट शेअर केलीये. या पोस्टच्या माध्यमातून यासर्व चर्चांवर बोलताना लव सिन्हा हा दिसला आहे.

लव सिन्हा याने म्हटले की, मी तिथे सहभागी न होण्याचा निर्णय का घेतला? माझ्या विरोधात चुकीची माहिती आणि ऑनलाईन कॅंपेन चालवल्याने हे बदलणार नाही की, माझ्यासाठी माझे कुटुंब सर्वात वरती आणि अगोदर आहे. नेहमीच माझ्यासाठी माझे कुटुंब सर्वात अगोदर असेल. आता लव याने शेअर केलेली ही पोस्ट व्हायरल होताना दिसत आहे.

सोनाक्षी सिन्हाच्या लग्नातील एक व्हिडीओ सोशल मीडियावर व्हायरल होताना दिसला. त्या व्हिडीओमध्ये अभिनेता साकिब सलीम हा भावाचे कर्तव्य पार पाडताना दिसला. त्यावेळीच अनेकांनी म्हटले की, लव आणि कुश कुठे गायब आहेत. बहिणीच्या आनंदात सहभागी होताना लव आणि कुश दिसले नाहीत. यामुळेच विविध चर्चा रंगताना सातत्याने दिसत आहेत.