सध्या पावसाच्या दिवसात समुद्रापासून दूर रहा असे आवाहन अनेकदा प्रशासनाकडून करण्यात येते. मात्र तरिही काही अतिहौशींना उधळलेल्या समुद्रात पोहण्याचा मोह आवरत नाही. अशाच दोघांना आज जुहू चौपाटीवरील लाईफगार्ड्सनी बुडता बुडता वाचवले. या घटनेचा व्हिडीओ सध्या व्हायरल झाला आहे.
जुहू चौपाटीवर अथर्व (17) व श्रेयस (16) ही अल्पवयीन मुलं आपल्या मित्रांसोबत पोहोयला समुद्रात गेले होते. आज मुंबईत मुसळधार पावासचा इशारा तसेच समुद्रात मोठ्या लाटा उसळणार असल्याचा इशारा दिलेला असतानाही हे मुलगे लाईफगार्ड्सची नजर चुकवून समुद्रात गेले. तिथे पोहत असताना अचानक मोठ्या लाटेत अथर्व व श्रेयस बुडू लागले. त्यांच्या इतर मित्रांनी आरडा ओरड करून लाईफगार्ड्सला बोलावले. त्यानंतर लाईफगार्ड्सनी बुडणाऱ्या मुलांकडे धाव घेत त्यांना वाचवले.
.jpeg)
.jpeg)
Comment List