प्रसिद्ध टीव्ही अभिनेत्री श्वेता तिवारीची मुलगी पलक तिवारी सोशल मीडियावर नेहमीच कोणत्या ना कोणत्या कारणामुळे चर्चेत असते. नुकतेच पलकने तिच्या इन्स्टाग्राम अकाऊंटवर काही फोटो पोस्ट केले आहेत. त्या फोटोंनी नेटकऱ्यांचं लक्ष तर वेधलंच आहे, पण पलकच्या फोटोंनी आणखी एका खास व्यक्तीचं लक्ष वेधलं आहे, तो म्हणजे इब्राहिम अली खान.
पलकच्या या फोटोंवर सर्वांत आधी सैफ अली खानचा मुलगा इब्राहिम अली खानने कमेंट केली आहे. 'लुकींग गुड' (छान दिसतेय) असं लिहिलेला फायरचा इमोजी त्याने पोस्ट केला आहे. मात्र थोड्या वेळानंतर त्याने ही कमेंट काढून टाकली.
पलकच्या फोटोंची चर्चा आणखी एका कारणामुळेही होत आहे. तिने ज्याठिकाणी हे फोटो काढले आहेत, ते पतौडी पॅलेस असल्याचा अंदाज काही नेटकऱ्यांनी वर्तवला आहे. पतौडी पॅलेस हे सैफ अली खानचं वडिलोपार्जित घर आहे. तिथे पलकचे फोटो खुद्द इब्राहिमनेच काढल्याचं म्हटलं जात आहे.
पलक आणि इब्राहिम गेल्या काही काळापासून एकमेकांना डेट करत असल्याच्या चर्चा आहेत. या दोघांना अनेकदा एकत्र, एकाच कारमध्ये पाहिलं गेलंय. मात्र याआधी दिलेल्या मुलाखतींमध्ये पलकने डेटिंगच्या चर्चा नाकारल्या आहेत. इब्राहिम माझा खूप चांगला मित्र आहे, असं तिने म्हटलंय.
नुकतंच पलकच्या इब्राहिमच्या घरातून बाहेर पडतानाही पाहिलं गेलं. यावेळी पापाराझींनी तिचा व्हिडीओ शूट करून सोशल मीडियावर अपलोड केला होता. पलक आणि इब्राहिमला जेव्हा सर्वांत आधी पापाराझींनी एकत्र क्लिक केलं, तेव्हा तिने चेहरा लपवला होता. तेव्हापासूनच या दोघांच्या डेटिंगच्या चर्चांना उधाण आलं आहे.
About The Author
.jpeg)
Comment List