T20 WC 2024 : जय शहा यांची भविष्यवाणी खरी ठरली, बार्बाडोसमध्ये हिंदुस्थानचा झेंडा फडकलाच!

हिंदुस्थानी संघाने ऐतिहासिक कामगिरी करत टी-20 वर्ल्ड कप जिंकून देशाच्या शिरपेचात मानाचा तुरा रोवला. या कामगिरीबद्दल देशभरात हिंदुस्थानी संघाचे तोंड भरून कौतुक होत आहे. मात्र या विजयानंतर आणखी एका गोष्टीची चर्चा आहे ती म्हणजे जय शहा यांच्या भविष्यवाणीची. जय शहा यांनी टी-20 वर्ल्ड कप हा हिंदुस्थानकडेच येणार अशी भविष्यवाणी केली होती. ही भविष्यवाणी खरी ठरली असून, हिंदुस्थानने खरोखरच ऐतिहासिक विजय मिळवला आहे.

VIDEO | Here’s what Asian Cricket Council president and BCCI secretary Jay Shah (@JayShah) said while addressing an event in Rajkot.

“In 2023 (final) at Ahmedabad, even though we did not win the World Cup after 10 straight wins, we won hearts. I want to promise you that in 2024… pic.twitter.com/GcEJjSdiLs

— Press Trust of India (@PTI_News) February 14, 2024

राजकोट येथे 14 फेब्रुवारी रोजी एक इव्हेंट आयोजित करण्यात आला होता. या इव्हेंटमध्ये बीसीसीआयचे सचिव जय शहा यांनी टी-20 वर्ल्ड कपबाबत भविष्यवाणी केली होती. “2023 मध्ये भलेही वर्ल्ड कप जिंकू शकलो नाही. पण रोहित शर्माच्या नेतृत्वात हिंदुस्थानी संघ टी20 वर्ल्ड कप जिंकून बार्बाडोसमध्ये तिरंगा फडकावेल”, असे जय शहा म्हणाले होते. आणि बरोबर चार महिन्यांनी शहा यांची भविष्यवाणी खरी ठरली असून, हिंदुस्थानी संघाने बार्बाडोसमध्ये तिरंगा फडकवला आहे. यानंतर शहा यांच्या भविष्यवाणीचा व्हिडीओही सोशल मीडियावर व्हायरल होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.