फेसबुकवरुन शेअर मार्केटची माहिती घेत असताना एका व्हॉटसअप ग्रुपमध्ये सहभागी होऊन एकाची तब्बल 17 लाख 84 हजारांची फसवणूक झाली. शेअर मार्केटमध्ये जास्त नफ्याचे आमिष दाखवत ही फसवणूक करण्यात आली.
दिनेश मोहनलाल जैन, (60), रा. थिबा पॅलेस हे फेसबुकवरून शेअर मार्केटची माहिती घेत होते. त्यावेळी एम 11 मॅक्झीमा फायनान्शियल सिक्युरिटीज या जाहिरातीवरुन फिर्यादी यांनी शेअर मार्केटसंदर्भातील एका व्हॉटसअप ग्रुपमध्ये सहभाग मिळवला. त्या ग्रुपचा अॅडमीन असलेल्या कुणाल गुप्ता आणि जेनीस मेहरा या नावाच्या व्यक्तींनी दिनेश जैन यांच्याशी संपर्क साधला आणि त्यांना लिंक पाठवून डी मॅट अकाऊंट ओपन करण्यास सांगितले. विविध आयपीओ आणि शेअर मार्केटमध्ये कमी वेळात जास्त नफ्याचे आमिष दाखवून पैसे गुंतवण्यास भाग पाडले. दिनेश जैन यांची 17 लाख 84 हजार रुपयांची फसवणूक झाली. आपली फसवणूक झाल्याचे लक्षात येताच दिनेश जैन यांनी रत्नागिरी पोलीस ठाण्यात तक्रार नोंदवली आहे.
.jpeg)
.jpeg)
Comment List