पावसाचा आनंद लुटायला गेले अन् समुद्रात पडले; चौघांसाठी पोलीस देवदूत बनले !

समुद्रकिनाऱ्यावर लाटा अंगावर घेत पावसाचा आनंद लुटण्याचा मोह लहानांपासून थोरांपर्यंत कुणालाही आवरत नाही. पण हाच आनंद चौघांना महागात पडला आहे. मुंबईतील दोन विविध घटनांमध्ये समुद्राच्या पाण्यात पडलेल्या चौघांना वाचवण्यात पोलिसांना यश आले आहे. पहिली घटना मरिन ड्राईव्ह येथे घडली. एका 59 वर्षीय महिलेला पोलिसांनी बुडण्यापासून वाचवले. तर दुसरी घटना गेट वे ऑफ इंडिया येथे घडली असून, या घटनेत तिघांचे प्राण वाचवण्यात आले.

स्वाती कनानी या 59 वर्षीय महिला पावसाचा आनंद लुटण्यासाठी मरीन ड्राईव्ह येथे आल्या होत्या. समुद्रकिनाऱ्यावर मजा करत असतानाच स्वाती यांची पर्स पाण्यात पडली. पर्स पाण्यातून काढण्याचा प्रयत्न करत असतानाच स्वाती यांचा पाय घसरला आणि त्या पाण्यात पडल्या. सीपीआर प्लाटूनच्या दोन पोलिसांनी महिलेला पाण्यात पडलेले पाहिले. त्यांनी तात्काळ पाण्यात उडी घेत महिलेचे प्राण वाचवले. महिलेला किरकोळ जखम झाली असून, उपचारासाठी जी टी रुग्णालयात दाखल करण्यात आले आहे.

&

काळ आला होता पण..! पावसाचा आनंद लुटालया गेली अन् पाण्यात पडली, पोलिसांच्या सतर्कतेमुळे थोडक्यात बचावली!#Viralvideo #mumbai pic.twitter.com/hc6QIIgeZO

— Saamana (@SaamanaOnline) June 28, 2024

nbsp;

दुसरी घटना गेट वे ऑफ इंडिया येथे घडली. गेटवे ऑफ इंडिया येथे सुरक्षाभिंतीवर बसून लाटांचा आनंद लुटत असताना तीन जण पाण्यात पडले. गुरुवारी दुपारी 2.45 वाजण्याच्या सुमारास भरतीच्या वेळी उसळलेल्या शक्तीशाली लाटांच्या माऱ्यामुळे तोल जाऊन तिघे पाण्यात पडले. मात्र दैव बलवत्तर म्हणून पोलिसांनी तिघांनाही वाचवण्यात यश आले. तिघांनाही किरकोळ जखमा झाल्या आहेत. घटनेनंतर पोलिसांनी सतर्क होत तात्काळ सुरक्षाभिंतीपासून सर्व नागरिकांना दूर केले.