फॉक्सकॉन कंपनीत विवाहित महिलांना नो एन्ट्री!

जगभरात स्त्री-पुरुष समानतेच्या गप्पा मारल्या जातात. हिंदुस्थानात तर महिलांना 33 टक्के आरक्षणसुद्धा मंजूर करण्यात आले. परंतु तामीळनाडूमधील फॉक्सकॉन कंपनीत महिलांची गुणवत्ता पाहिली जात नाही, तर केवळ ती विवाहित असल्यामुळे तिला नोकरी दिली जात नाही, अशी धक्कादायक माहिती आता समोर आली आहे. 20 वर्षीय दोन महिला पंपनीत काम मिळेल या आशेने गेल्या होत्या. परंतु त्यांना गेटवरच विवाहित की अविवाहित असा प्रश्न सुरक्षा रक्षकांकडून विचारण्यात आला. महिलांनी विवाहित असे उत्तर देताच त्यांना आत जाऊ दिले नाही. त्यांना गेटवरूनच माघारी पाठवले, असा दावा एका इंग्रजी मीडियाने केला आहे. कंपनीतील काही कर्मचाऱ्यांनी त्यांची ओळख उघड न करण्याच्या अटीवर कारखान्यात विवाहित महिलांना रोजगार दिला जात नाही, यावर शिक्कामोर्तब केले. मात्र फॉक्सकॉनचे हे कायमचे धोरण नाही, अशीही माहिती समोर आली आहे. जेव्हा उत्पादन वाढलेले असते तेव्हा मनुष्यबळाची कमतरता भासू लागते. अशा वेळी या नियमात शिथिलता आणली जाते, अशी माहिती फॉक्सकॉनच्या इतर माजी अधिकाऱ्यांनी दिली.

– विवाहित महिलांवर अविवाहित महिलांपेक्षा कुटुंबाच्या अधिक जबाबदाऱया असतात. त्यामुळे आम्ही अविवाहित महिलांना रोजगारासाठी प्राधान्य देत़ो आम्हाला हे धोरण तोंडी सांगितले गेले होते. भरती करणाऱया एजन्सींना आम्ही हेच तोंडी सांगितले, असे एका माजी अधिकाऱयाने सांगितले.

– आम्ही बसस्टँडपासून कारखान्यापर्यंत जाण्यासाठी रिक्षा केली होती. पंपनीत विवाहित महिलांना रोजगार दिला जात नाही, अशी माहिती रिक्षावाल्यानेही आम्हाला दिली होती. आम्ही कारखान्याच्या गेटवर पोहोचलो आणि चौकशी केली. तेव्हा मात्र आमचा भ्रमनिरास झाला, असे या महिलांनी सांगितले.