अदानीकडून विमानतळ सुविधा शुल्कात वाढ, केरळच्या खासदारांची हवाई वाहतूक मंत्र्यांकडे तक्रार

तिरुअनंतपुरम आंतरराष्ट्रीय विमानतळावरील सुविधा दरांत अदानी कंपनीने वाढ केल्याबद्दल केरळच्या दोन खासदारांनी चिंता व्यक्त केली. तुम्ही अदानींच्या नव्हे तर सर्वसामान्य जनतेच्या बाजूने उभे राहाल अशी आशा आहे, असे आवाहन या दोघांनी विमान वाहतूक मंत्री राममोहन नायडू यांना केले आहे.

विमानतळ आर्थिक नियामक प्राधिकरणाने विमानतळ व्यवस्थापन पाहाणाऱया अदानी एअरपोर्ट होल्डिंग्स लि. कंपनीने उच्च वापरकर्ता विकास शुल्क आणि लँडिंग शुल्कासह इतर दरांमध्ये केलेल्या वाढीला मंजुरी दिली आहे. यासंदर्भात केरळमधील माकप खासदार जॉन ब्रिटास आणि भाकपचे खासदार बिनॉय विश्वम यांनी नागरी विमान वाहतूक मंत्री के. राममोहन नायडू यांना स्वतंत्र पत्रे लिहिली आहेत. विमान कंपन्या प्रवास भाडे वाढवतील आणि त्यामुळे प्रवाशांची विमान प्रवास परवडण्याची क्षमता कमी होईल, असे ब्रिटास यांनी पत्रात म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.