विरोधी पक्षाचा आवाज दाबणे हे लोकशाहीच्या विरोधात आहे; राहुल गांधी यांनी ठणकावलं

लोकसभेच्या अध्यक्ष पदावर ओम बिर्ला यांची निवड झाल्यानंतर लोकसभेचे विरोधी पक्ष नेते राहुल गांधी यांनी अभिनंदनपर भावना व्यक्त केल्या. यावेळी शुभेच्छा देत असतानाच त्यांनी कानही टोचले. विरोधी पक्षाचा आवाज दाबणे हे लोकशाहीच्या विरोधात आहे, अशा शब्दात राहुल गांधी यांनी ठणकावलं.

‘मला विश्वास आहे की तुम्ही आम्हाला बोलू द्याल. प्रश्न हा नाही की सभागृह किती कार्यक्षमतेने चालवले जाते. प्रश्न हा आहे की INDIA चा आवाज किती ऐकू दिला जातो. त्यामुळे विरोधी पक्षाला शांत करून तुम्ही सभागृह कार्यक्षमतेने चालवू शकता हा लोकशाही विरोधी विचार आहे आणि या निवडणुकीने हे दाखवून दिले आहे की देशातील नागरिकांनी विरोधकांना संविधानाच्या रक्षण करण्यासाठी विश्वासानं पाठवलं आहे’, असे राहुल गांधी म्हणाले.

#WATCH | Leader of Opposition, Rahul Gandhi says “We are confident that by allowing the Opposition to speak, by allowing us to represent the people of India, you will do your duty of defending the Constitution of India. I’d like to once again congratulate you and also all the… pic.twitter.com/HU9BYyS7xm

— ANI (@ANI) June 26, 2024

‘लोकसभेचे विरोधी पक्षते नेते राहुल गांधी यांनी अध्यक्ष पदी पुन्हा निवडून आलेल्या ओम बिरला यांना शुभेच्छा दिल्या. राहुल गांधी यांनी म्हटलं की विरोधी पक्ष सरकार सोबत सहयोग करू इच्छित आहे. सरकारकडे राजकीय ताकद अधिक आहे मात्र विरोधी पक्ष देखील हिंदुस्थानचं प्रतिनिधित्व करतो. आम्हाला विश्वास आहे की तुम्ही आम्हाला आवाज उठवू द्याल. विरोधी पक्षाचा आवाज दाबणे हे लोकशाहीच्या विरोधात आहे. विरोधी पक्ष तुम्हाला संपूर्ण सहाय्य करेल’, असंही राहुल गांधी म्हणाले.