विशेष न्यायालयाने दिलेल्या जामिनाला अंतिम निकालापर्यंत स्थगिती देणाऱया दिल्ली हायकोर्टाच्या निर्देशांविरुद्ध दिल्लीचे मुख्यमंत्री अरविंद केजरीवाल यांनी केलेल्या याचिकेवर आज कोणताही आदेश देण्याऐवजी सर्वोच्च न्यायालयाने हायकोर्टाचे आदेश येईपर्यंत थांबण्याची भूमिका घेत सुनावणीला 26 जूनपर्यंत स्थगिती दिली. हायकोर्ट उद्या या प्रकरणी आपला निकाल देणार आहे.
मात्र, केजरीवाल यांच्या जामिनाविरुद्ध ईडीने मागितलेल्या स्थगितीवर आदेश राखून ठेवण्याचा हायकोर्टाचा दृष्टिकोन ‘काहीसा असाधारण’ असल्याची टिपणी खंडपीठाने केली. सर्वसाधारणपणे स्थगिती अर्जांवर आदेश राखून ठेवले जात नाहीत. ते सुनावणीच्या वेळीस तेव्हाच दिले जातात. यामुळे निर्देश राखून ठेवणे हे काहीसे असाधारण आहे, असे मत न्या. मनोज मिश्रा आणि न्या. एसव्हीएन भट्टी यांच्या खंडपीठाने व्यक्त केले.
हायकोर्टात आज फैसला
केजरीवाल यांना जामीन देण्याविरुद्ध ईडीने केलेल्या याचिकेवर दिल्ली उच्च न्यायालय उद्या मंगळवारी निकाल देणार आहे. न्यायमूर्ती सुधीर कुमार जैन दुपारी 2.30 वाजता आपला निकाल सुनावतील.
.jpeg)
Comment List