गांजा प्रकरणातील आरोपींना 27 पर्यंत पोलीस कोठडी

पाथर्डी तालुक्यातील दगडवाडी फाटा येथे पकडलेल्या दीडशे किलो गांजा प्रकरणातील चार आरोपींना सोमवारी न्यायालया समोर हजर केले असता न्यायालयाने त्यांना येत्या 27 ता. पर्यंत पोलीस कोठडीत ठेवण्याचे आदेश दिले.

कल्याण निर्मल या राष्ट्रीय महामार्गावर ओरिसा राज्यातून पुणे जिल्हयात गांजा विक्री साठी चालला असल्याची माहिती मुंबई येथील अमली विरोधी पथकाला मिळाली होती. त्या नुसार या पथकाने दगडवाडी फाटा येथे थांबलेल्या दोन गाड्यांची झडती घेतली असता त्या मध्ये सहा गोण्यांमध्ये दीडशे किलो गांजा आढळून आला होता. या वेळी गांजाची वाहतूक करणारे सागर मोरे,लियाकत शेख,रामेश्वर मोहिते,समीर शेख सर्व रा. पुणे जिल्हा यांना या पथकाने अटक करून काल रविवारी रात्री उशिरा पाथर्डी पोलिसांच्या ताब्यात दिले आज या सर्व आरोपींना न्यायालया समोर उभे केले असता न्यायालयाने त्यांना येत्या २७ ता पर्यंत पोलीस कोठडीत ठेवण्याचे आदेश दिले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.