आणखी एक पेपर फोडण्याचा प्रयत्न; बिहारमधून एक व्यक्ती अटकेत

बिहार पोलीस सेवा आयोगाच्या (BPPSC) परीक्षेला बसलेल्या एका व्यक्तीला पाटणा येथे झालेल्या परीक्षेदरम्यान त्याच्या मोबाईल फोनसह प्रश्नपत्रिकेचे चित्र क्लिक करण्याचा प्रयत्न करताना पकडण्यात आल्यानं त्याला अटक करण्यात आली, असं पोलिसांनी सांगितलं.

स्वामी विवेकानंद कुमार यादव असं या उमेदवाराचं नाव आहे. हा उमेदवार दारूबंदी, उत्पादन शुल्क आणि नोंदणी आणि देखरेख विभागातील उपनिरीक्षक पदासाठी रविवारी परीक्षेला बसला होता. पेपर लीकसह NEET-UG 2024 परीक्षेच्या आयोजनातील नियमांचं उल्लंघन या पार्श्वभूमीवर यादव याला अटक करण्यात आली.

वाणिज्य, कला आणि विज्ञान महाविद्यालयात झालेल्या परीक्षेदरम्यान गैरप्रकारांना आळा घालण्यासाठीच्या उपाययोजनांचा एक भाग म्हणून अधिकाऱ्यांनी इंटरनेट जॅमर बसवले होते. यादव याने प्रश्नपत्रिकेचे छायाचित्र काढून ते इतरत्र पाठवण्याचा प्रयत्न केला असता, तो तसे करू शकला नाही, कारण जॅमर बसवले होते, अशी माहिती पाटणा पोलिसांनी दिली.

यादव याच्याविरोधात एफआयआर दाखल करण्यात आला. चौकशीदरम्यान, फसवणूक करण्याच्या हेतूने त्याने 21 जून रोजी कॉलेज कॅम्पसमध्ये फोन लपवून ठेवला होता, असं उघड झालं. पोलिसांच्या म्हणण्यानुसार, परीक्षेच्या दिवशी प्रवेशाच्या वेळी तपासल्यानंतर त्यानं फोन परत घेतला असल्याचं त्यानं सांगितलं.

एकूण 1,280 उमेदवार BPPSC परीक्षेला बसले होते जे दोन सत्रांमध्ये विभागले गेले होते. पहिली शिफ्ट, सकाळी 10 ते दुपारी 12, सामान्य हिंदीवर आधारित होती, तर दुसरी शिफ्ट, दुपारी 2:30 ते 4:30 पर्यंत सामान्य ज्ञानावर आधारित होती. परीक्षेसाठी उपस्थितीचे प्रमाण अंदाजे 95 टक्के इतके होते.

NEET विवादा सुरू असल्यानं सध्याच्या परिस्थितीत अनेक ठिकाणी विविध परीक्षांसाठी केंद्रावर जॅमर बसवण्याचा निर्णय झाला आहे. याव्यतिरिक्त, केंद्र कडक सीसीटीव्ही निगराणीखाली होते.