देशाच्या संविधानाला कोणतीही शक्ती स्पर्श करू शकत नाही! राहुल गांधींनी मोदी-शहांना ठणकावलं

पंतप्रधान नरेंद्र मोदी आणि केंद्रीय गृहमंत्री अमित शहा संविधानावर ‘हल्ला’ करत असल्याचा आरोप काँग्रेस नेते राहुल गांधी यांनी सोमवारी केला. संविधानावरील हे हल्ले विरोधी पक्षांच्या नेतृत्वाखालील INDIA आघाडीला मान्य नसल्याचे त्यांनी सांगितलं.

18 व्या लोकसभेचे पहिले अधिवेशन सुरू झाल्याच्या दिवशी पत्रकारांना संबोधित करताना राहुल गांधी यांनी ठणकावून सांगितलं की कोणतीही शक्ती संविधानाला हात लावू शकत नाही. यानंतर त्यांनी आपल्या हातातील संविधानाची पुस्तिकाही पत्रकारांना दाखवली.

‘पंतप्रधान आणि अमित शहा संविधानावर जो हल्ला करत आहेत, तो आम्हाला मान्य नाही. आम्ही असं होऊ देणार नाही. त्यामुळे शपथ घेताना आम्ही संविधानाला धरून शपथ घेतली आहे. आमचा संदेश थेट आहे, देशाच्या संविधानाला कोणतीही शक्ती स्पर्श करू शकत नाही’, असं राहुल गांधी म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.