स्टॉक ट्रेडिंगचे आमिष पडले 28 लाखांना; सायबर चोरट्यांकडून लूट सुरूच, पोलिसांनी हात टेकले

सायबर चोरटय़ांनी नागरिकांना वेठीस धरले असून, विविध प्रकारची आमिषे दाखवून दरदिवशी लाखो रुपयांचा गंडा घातला जात आहे. मात्र, तरीही नागरिकांचा हव्यास कमी होत नसल्याचे दिसून आले आहे. दरम्यान, वारंवार फसवणुकीच्या घटना घडूनही अद्यापपर्यंत पुणे सायबर पिंवा संबंधित पोलीस ठाण्याने एकाही मोठय़ा सायबर गुह्याची उकल केली नसल्याचे आश्चर्य व्यक्त केले जात आहे. सायबर चोरटय़ांना पुणे पोलिसांची मूकसंमती आहे का, असा सवालही उपस्थित केला जात आहे.

स्टॉक ट्रेडिंगमध्ये गुंतवणूक केल्यास चांगला परतावा मिळवून देतो, असे सांगून सायबर चोरटय़ांनी तरुणाला 28 लाखांचा गंडा घातला आहे. ही घटना 19 एप्रिल ते 23 मे कालावधीत आंबेगाव बुद्रूकमध्ये घडली आहे. याप्रकरणी तरुणाने भारती विद्यापीठ पोलीस ठाण्यात फिर्याद दाखल केली आहे. त्यानुसार अज्ञात मोबाईलधारक सायबर चोरटय़ांविरुद्ध गुन्हा दाखल करण्यात आला आहे. फिर्यादी तरुण कुटुंबीयासह आंबेगाव बुद्रूकमध्ये राहायला आहे. 19 एप्रिलला सायबर चोरटय़ाने त्यांना मेसेज करून संपर्क केला. त्यानंतर स्टॉक ट्रेडिंगबाबतची माहिती दिली. त्यानंतर एका व्हॉट्सअॅप गुपमध्ये अॅड करून त्याठिकाणी त्यांना स्टॉक ट्रेडिंगचा फायदा कसा होतो, याचे प्रात्यक्षिक दाखविले.

सायबर गुह्यांची उकलच नाही; पोलिसांची उदासीनता

शहरात दिवसेंदिवस सायबर फसवणुकीच्या घटनांमध्ये प्रचंड वाढ झालेली आहे. फक्त पुण्यात दरदिवशी किमान एक कोटी रुपयांचा गंडा नागरिकांना घातला जात आहे. मागील सहा महिन्यांपासून फसवणुकीचा आलेख वाढला आहे. मात्र, तरीही अद्यापपर्यंत पुणे सायबर पोलीस आणि गुह्याची नोंद असलेल्या ठाण्याकडून तपासाला गती दिली जात नाही. त्यामुळे सायबर चोरटय़ांचे फावले असून, ऑनलाइन लुटीसाठी रान मोकळे आहे. सायबर चोरटय़ांमुळे नागरिक अक्षरशŠ वैतागले असून, याकडे पोलीस आयुक्त अमितेश कुमार यांनी कटाक्षाने लक्ष देण्याची मागणी केली आहे.