इंटरसिटी, डेक्कन तीन दिवस बंद

मुंबई-पुणे रेल्वेमार्गावर धावणारी इंटरसिटी, डेक्कन एक्स्प्रेस तीन दिवस बंद राहणार आहे. 28 ते 30 जूनदरम्यान या गाडय़ा बंद राहणार असून त्यामुळे प्रवाशांची मोठी गैरसोय होणार आहे.

पुणतांबा-काणेगाव आणि दौंड-मनमाड मार्गावरील दुपदरीकरणाच्या कामामुळे या एक्स्प्रेस गाडय़ा रद्द करण्यात आल्या आहेत. पुणे-मुंबई इंटरसिटी एक्स्प्रेस 28 जून रोजी धावणार नसून 29 जूनची मुंबई-पुणे डेक्कन एक्स्प्रेसही रद्द करण्यात आली आहे. याच दिवशी धावणारी ‘पुणे-मुंबई इंटरसिटी’देखील रद्द करण्यात आली आहे. तसेच 30 जून रोजीची मुंबई-पुणे इंटरसिटीही रद्द करण्यात आली आहे. मुंबईहून पुण्यासाठी आणि पुण्याहून मुंबई असा प्रवास करणाऱया प्रवाशांना या एक्स्प्रेस गाडय़ा रद्द केल्याचा मोठा फटका बसणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.