दापोली येथील जामगे धरणा नजिक रस्ता खचला; सार्वजनिक बांधकाम विभागाकडून वाहतुकीस मार्ग बंद

दापोली आणि खेड या दोन तालुक्यांना जोडणारा खेड-जामगे-शिवतर-सोवेली (प्रजिमा 12) हा मार्ग जामगे धरणानजिक खचल्याची घटना घडली. त्यामुळे खबरदारीचा उपाय म्हणून या मार्गावरील सर्व प्रकारची वाहतुक ही प्रवाशांच्या सुरक्षिततेच्या कारणाने सार्वजनिक बांधकाम विभागाने बंद केली आहे.

दापोली आणि खेड या दोन तालुक्यांना जोडणारा हा महत्वाचा मार्ग आहे. या मार्गामुळे दापोली, मंडणगड आणि खेड तालुक्यातील काही गावे एकमेकांना जोडली आहेत. तसेच चिपळूण आणि रत्नागिरीकडे जाण्यासाठी सुद्धा हा मोर्ग सोईस्कर ठरतो. या मार्गाजवळून जाणाऱ्या विसापूर गावाच्या हद्दीत जलसंधारण विभागाकडून धरण बांधण्यात आले आहे. या धरणाजवळून जाणाऱ्या जुण्या मार्गाचा 150 मीटर पेक्षा जास्त लांबीचा रस्ता एका बाजूने खचला आहे. त्यामुळे या मार्गावरील वाहतुक बंद करण्याचे आदेश सार्वजनिक बांधकाम विभागाने दिले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.