मध्य, पश्चिम रेल्वे मार्गावर उद्या मेगाब्लॉक

विविध अभियांत्रिकी आणि देखभालीची कामे करण्याकरिता मध्य आणि पश्चिम रेल्वे मार्गावर रविवारी मेगाब्लॉक घेण्यात आला आहे. मध्य रेल्वे मार्गावर सीएसएमटी-विद्याविहार अप आणि डाऊन धिम्या मार्गावर सकाळी 10.55 ते दुपारी 3.25 वाजेपर्यंत मेगाब्लॉक असणार आहे. ब्लॉक कालावधीत सीएसएमटी-विद्याविहार दरम्यान धिम्या मार्गावर धावणाऱया लोकल जलद मार्गावर धावतील. हार्बर मार्गावर सकाळी 11.40 ते दुपारी 4.40 वाजेपर्यंत सीएसएमटी-चुनाभट्टी/वांद्रे अप आणि डाऊन मार्गावर मेगाब्लॉक असणार आहे. ब्लॉक कालावधीत सीएसएमटी-चुनाभट्टी/वांद्रे अप आणि डाऊन लोकल, सीएसएमटी/वडाळा ते वाशी/बेलापूर/पनवेल अप आणि डाऊन लोकल, सीएसएमटी ते वांद्रे/गोरेगाव लोकल रद्द करण्यात येणार आहेत. पश्चिम रेल्वे मार्गावर सकाळी 11 ते दुपारी 4 वाजेपर्यंत मेगाब्लॉक असणार आहे. या कालावधीत सीएसएमटी-वांद्रे, सीएसएमटी/पनवेल – गोरेगाव आणि चर्चगेट-गोरेगाव दरम्यानच्या काही लोकल रद्द करण्यात येणार आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.