ठाण्यामध्ये महाकाय लोखंडी छत मैदानावर कोसळले, सहा विद्यार्थी गंभीर जखमी

गेल्या काही दिवसांमध्ये होर्डिंग पडल्यामुळे अनेक गंभीर दुर्घटना शहरी भागांमध्ये घडल्या आहेत. अशीच घटना आता ठाण्यामध्ये घडली असून इमारतीवरील महाकाय लोखंडी छत फुटबॉल खेळत असणाऱ्या मुलांच्या अंगावर पडून मोठी दुर्घटना घडली आहे. या दुर्घटनेत सहा विद्यार्थी गंभीर जखमी झाले आहेत.

ठाण्याच्या उपवन येथील फुटबॉल टर्फ क्लबच्या मैदानावर ही भयंकर घटना घडली आहे. या मैदानावर नववी आणि दहावीची मुले पावसात फुटबॉल खेळत होती. मुसळधार पाऊस आणि सोसाट्याचा वाऱ्यामुळे क्लबच्या शेजारी असणाऱ्या इमारतीवरील महाकाय लोखंडी छत थेट मैदानावर खेळत असलेल्या मुलांच्या अंगावर पडले. मिळालेल्या माहितीनुसार या दुर्घटनेत सहा विद्यार्थी गंभीर जखमी झाले असून त्यांना तातडीने बेथनी रुग्णालयात उपचारासाठी हलवण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.